KANOWIT: Tuai raban bansa nyengkaum bala pengundi ari bansa China dipinta ngaga pemutus ke engkeman maya Pengawa Bepilih Nengeri (PRN) ti deka datai.
Menteri Muda Pemansang Tanah ti mega Menteri Muda Dagang Temuai Datuk Gramong Juna madah, pemutus tu beguna dikena perintah nandu pemansang lebih agi ba kandang menua pesisir.
“Tiap bengkah Kunsil Nengeri (DUN) diungkupka sepenyampau RM5 juta dikena perintah ngaduka pemansang.
“Ketegal nya, sukung semua rayat baka tuai raban bansa ti ngembing nembiak sida nentuka pemujur perintah Barisan Nasional (BN) bejadika perambu pemansang tu,” pia ku iya madah.
Iya ti mega Kaban Kunsil Nengeri (ADUN) Machan mantaika jaku tu maya datai ngabang ngagai rumah Kapitan Lee Foh Sin di Sungai Pedai Ulu ditu, lemai kilah ensana.
Bela nyempulang penatai iya, ADUN Ngemah Alexander Vincent, bini Gramong Datuk Catherine Gramong, chalun DUN Machan Allan Siden Gramong enggau bini Alexander Susan Clement.
Nambahka nya, ku Gramong, iya pechaya Barisan Nasional (BN) agi ulih menang ba nengeri tu maya PRN ti deka datai.
Kelimpah ari nya, iya mega madahka pelilih Kanowit semampai richah belama ninting pengawa ngintu hari besai baka Taun Baru China.
“Kitai ulih meda macham pupu raban bansa bela datai ngulu pengerami Taun Baru China ninting taun.
“Tu mega ulih dipeda kitai maya bisi pengerami ke bukai.
“Seraya kitai ke ngabang ngagai pangan diri, kitai ukai semina berandau begulai aja tang pengerami tu nyadika menalan alai kitai pupu bansa nyintalka agi kaul,” ku iya madahka baru.
Gramong mega maya tu madah ngagai mensia mayuh ke bisi datai sentang pengeransing perintah nengeri neritka atur ba pengawa munaska penyalah enchuri kayu nyengkaum ba pelilih nya.-Borneo Post
Post a Comment
EmoticonClick to see the code!
To insert emoticon you must added at least one space before the code.