KUCHING: Presiden Parti Rakyat Sarawak (PRS) Tan Sri Datuk Amar Dr James Jemut Masing pechaya ba Pengawa Bepilih Nengeri ke-11 (PRN 11) ke sekali tu, penyampau pengundi di nengeri ke milih penyakal deka kurang agi enti dibanding enggau pengawa bepilih nengeri ke sebedau tu.
Iya madah munyi tu laban beratika chara sereta ubah atur pengawa ti dipejalaika perintah nengah iring Kepala Menteri Datuk Patinggi Tan Sri Adenan Satem.
“Pengundi nengeri deka agi meda chara ‘check and balance’, nya alai sida deka agi ngundi penyakal tang penyampau nya deka kurang agi enti dibanding enggau Pengawa Bepilih Besai Menua (Parlimen) tauka PRU 2008 enggau PRN 2011.
“Tu berindik ari atur enggau chara ke dikena Kepala Menteri Datuk Patinggi Tan Sri Adenan Satem ngelemika penyakal,” ku iya.
Masing ti mega Menteri Pemansang Tanah enggau Menteri Kanan Nengeri madahka nya disukung enggau peneka rayat ke deka meda ubah sereta pengawa ke digaga Adenan.
“Bisi jaku sempama Jaku English ke munyi tu ‘new broom sweeps cleaner’. Tun Abdullah Badawi (Ex Menteri Besai) enggau Datuk Patinggi Tan Sri Adenan Satem disema ba ‘penyapu baru’.
“Udah 22 taun Perintah betuaika Tun Mahathir Mohamad sereta 33 taun ari baruh pegai Tun Pehin Sri Abdul Taib Mahmud, rayat deka meda pejalai sereta penemu ke pemadu baru dalam politik…Tu nadai bekaul enggau kualiti kuasa sida (Badawi enggau Adenan),” ku iya.
Masing nandu baru, Adenan udah ngaga ubah ke baru sereta rayat deka ‘enseput dalam angin ke baru’.
Ku iya, pemujur deka diempu Barisan Nasional (BN) dbakerusi nengeri enti Parti Sa’ati Rayat Sarawak (SUPP) enggau Parti Rakyat Bersatu (UPP) ulih mutarka bida kti deka ‘ngatika diri’ sida enggau jampat.
“Aku madah ‘ngatika diri’ laban tuai pemesai SUPP enggau UPP diada ari apai indai ke sama. Nya alai, bida penemu sida iya enda tentu silik dipeda lalu ulih dikurangka.
“Penanggul ke sebaka entara SPDP (Parti Demokratik Progresif Sarawak) enggau TERAS (Parti Tenaga Rakyat Sarawak). Nya alai, chara mutarka penanggul ti ulih dikena kededua parti tu…Sida patut ngemeratka BN, lalu nangkan nya parti tauka diri empu,” ku iya.-Borneo Post
Post a Comment
EmoticonClick to see the code!
To insert emoticon you must added at least one space before the code.