JULAU: Rolland Duat ari Parti Demokratik Progresif Sarawak (SPDP) ke dikirai deka nyadi chalun Barisan Nasional (BN) bediri ba sitak N48 Meluan rambau Pengawa Bepilih Nengeri (PRN) tu ila ngelempaika nasit diri ba Kepala Menteri Datuk Patinggi Tan Sri Adenan Satem.
Ku Rolland rambau Pengerami Pemesai Begulai Enggau Rayat di Rumah Entili bedai lama ke udah, bisi 350 iku peranak ari lima buah rumah panjai di kandang menua nya udah meri pengandal ngagai parti iya (SPDP) tang pemutus ke penudi bepanggai ngagai Adenan ke mega Chairman BN Sarawak.
Ku Rolland, lebuh sida ke nemuai ngagai rumah panjai seraya matak sukung ari sitak nya, iya disempulangka raban ketuai besai SPDP empu, baka Sekretari Politik Kepala Menteri Sarawak, Alexander Asing.
Iya berasai temegah ati laban ba semua atur pengerami pemesai begulai enggau rayat udah nerima timbal ti m anah ke ngasuh iya berasai teperansang ati laban sida nemu iya dipinta bejalaika servis ungkup sida ari BN, ku Rolland.
Enti nitihka penerang ti dipansutka Kepala Menteri, semina dipilih nyadi chalun aja deka nyadi sebagi ari tim iya ti dikemendar ngena simbol ‘dachin’ maya PRN tu ila lalu iya ngarapka diri dipilih bediri di Meluan, ku Rolland.-BORNEO POST
Post a Comment