BAU: Ukai pangkat ke digiga, semua nya udah dipegai.. aku semina deka mai pengaya ungkup Nengeri Sarawak, Ku Kepala Menteri Datuk Patinggi Tan Sri Adenan Satem.
Adenan mansutka jaku nya ba pengerami Ketuai begulai enggau Rayat (N2 Tasik Biru) ke diatur di Palan Redeems Singai Bau ditu, kemari.
Ketegal nya ku Adenan nambah, aku nyukung Menteri Besai Datuk Seri Mohd Najib Tun Razak laban aku nemu iya ulih mantu kitai.
“Menteri Besai kitai ke diatu kaling aku ke alai aku ngumbai iya Najib anak Razak lalu iya seiku ketuai ke bagas mantu.
“Dalam timpuh enam taun udah mangku pengawa nyadi menteri besai, nyauka 50 kali Najib udah ngelawa ke Sarawak lalu penyampau nya ngelui ari penyuah enam iku menteri besai ke sebedau tu,”ku iya.
Penatai Najib ke Sarawak ku Adenan, ukai semina mai jari puang aja lalu ba pengawa ‘walkabout’ aja Menteri Besai keenam nya udah ngagih projek ke beungkus RM3 biliun ungkup Sarawak.
Nambahka nya ku Adenan, Najib mega udah ngemendar projek Jalai Pan Borneo ke beungkus RM16 biliun.
Ngenang kaul ke sama, Adenan madah penemuai Najib ba kandang endur tengah Sarawak dalam kandang dua tiga hari tu netapka iya udah 48 kali ke Sarawak.
“Kitai deka mai pengaya ungkup Sarawak, mayuh agi manah agi.
“Enti aku ukai kaling Najib lalu enda nyukung iya, kitai engka enda teulihka semua tu,’Ku Adenan bejaku ngagai urung 10,000 iku penyukung BN.-Borneo Post
Post a Comment