KUCHING: Orang indu ti nyadi ‘kaban kunsi’ ngagai menua patut terus ngangkatka penegap runding (berani) lebuh betapi enggau sebarang pemar ti datai.
Ketuai Orang Indu Parti Pesaka Bumiputera Bersatu (PBB) Dato Sri Empiang Jabu madahka, raban orang indu enda tau enda nyikap diri lebih agi ba gaya ekonomi menua ti enda tentu meruan.
“Kitai enda tau alah bulu laban kitai orang indu tu nyadi anak, bini, indai enggau ketuai ba renggat raban bansa.
“Nya alai, kitai enda tau enda besaup, ngenegap sereta nyikap diri enggau ngemansangka pengelandik enggau pengulih tauka ngangkatka penau diri awak ulih mai ruang bilik sereta raban bansa ti ngelinggi kitai betapi enggau taun 2016 enggau singkang ti tegap,” ku iya.
Empiang mansutka pekara nya ba jaku pesan nyerumba Taun Baru 2016, ensana.
“Selamat mujur enggau Selamat Taun Baru 2016!,” ku iya.-Utusan Borneo
Post a Comment